Өвөр Монгол тайлбарлагч

           Жа сээн бээчгаануу эрхэм хүндэт үжэгчдээ. Өнөөдрийн  дугаараараа бид та бүхэндээ Сан-Антаниогийн "Давируулууд" анги болон Кэливландын "Морьтон баатрууд" ангиудын наадмыг тоймлон үжүүлэх гэж байнаа. Морьтон баатрууд ангийн хувьд энэ жил эмбаагийн хамгийн бачим амжилтыг үзүүлж эмбаагийн шастир дахь хамгийн бачим ангиар тодорсон бол харин Давируулууд ангийнхан энэ улиралд хамгийн ончгой шайн ангиар тодрон бүх ангиудаа тэргүүлэн шогшиж байгаа билээ.

          Жа наадам эхэлж Давируулууд ангийн самбарын дор наадагч Блайр бөмбөгийг хатган Пааркэрийн гарт олголоо. Пааркэр бөмбөгөө наадуулан Морьтон баатрууд ангийн бүсрүү нэвтрэн оржийнаа. Пааркэрийн хувьд эмбаа дахь хамгийн шурамгай бөмбөгөөр наадагчдын нэг гэдгийг манайхан хот гацаагүй олноороо мэддэг шүү дээ. Жа тэрээр Жинобилируу бөмбөгөө дамжууллаа. Жинобили бөмбөгөө нааджийнаа нэг наадагчийг молигодлоо, дахиад нэг наадагчийг молигодлоо, шууд самбарт нь сагслах гэтэл... Ээ халаг Хиксон бачим явдал гаргаж араас нь гүйж ирэн тун бүдүүлэг наадгай хийлээ. Хянагч түүнд анхааруулга өгч, алдааны тоог ганчаар нэмэн, Жинобилид хоёр торгуулийн сагслалт хийх эрх олголоо. Жинобили хоёуланг нь тун амжилттай сагсаллаа. Одоо Морьтон баатрууд ангийнхан сөрөг довтолгоонд оржийнаа. Хиксон Гибсонд бөмбөгөө дамжуулж Гибсон эсрэг ангийнхаа талбайруу бөмбөгөө наадуулан гуяджийнаа. Гибсон одоо Антони Пааркэрт бөмбөгөө өгүүл жухал бишөө? Өө гэвч тэр тэгсэнгүай. Шууд өөрөө бөмбөгөө наадуулан орж Даанкны урдаас үсэрлээ... Ээ Гибсоны хувьд бачим явдал тохиолдож Даанкан түүний бөмбөгийг цэвэрхэн гэгч нь алгадчихлаа. Гибсон Даанканг бүдүүлэг наадгай хийсэн гэж хянагчтай маргажийнаа. Хянагч түүнд шийтгэл өгж талбайгаас зайлуулав. Ийнхүү наадам үргэлжилсээр эчсийн дүндээ Давируулууд ангийнхан Морьтон баатруудыг илт давамгай онооны харьчаатайгаар хожчахжээ. Анхаарал тавьсан та бүгдэд гялаалаа!

Зохиогч: Харх Сэтгэ.мн™

Шошго: Нийтлэлүүд