Эцгийн хайр

Дээр байгаа зургийг харж байна уу? Нэг нь та бидний сайн мэдэх поп хатагтай Сараа. Харин нөгөөдөх нь таны мэдэхгүй миний сайн мэдэх Амка ах маань байгаам. Манай ах аймар лаг. Графитти хийнэ, рааям бичнэ, үглэнэ, уран зураг зурна, бузар зураг ч бас зурна. Тэгээд бас мэргэжлийн тогооч гээч. Дургүй нь хүрвэл зодоон хийнэ, пиав сөгнөнө, архи ууна, тамхи татна, хүүхэн яана, хүрээ тална арай ч гэхдээ хүн алахгүй ээ хэхэ ер нь бол жинкэн эр хүний шинжийг агуулсан гар даа. За ямар ч байсан манай мундаг ах бас өгүүллэг бичдийн. Тээд энд нэг бичсэн өгүүллэгээс нь орууллаа. Үнэхээр сайхан ухаарал хайрласан өгүүллэг болсон байналээ. Блогоор нь зочлохыг хүсвэл:

---

http://moment_of_truth.blog.gogo.mn

---

Эцэг нь түүнийг хар багаас нь л зодож загнадаг байсан. Тэр ч эцэгтээ үнэн дургүй. Айлийн хүүхдийг аавдаа эрхлэхийг хараад дотроо гутардаг байсан. Эцэг эхийн хурал дээр нь ч очиж үзээгүй төрсөн үрдээ ингэж ханддагт тэр гайхдаг байсан. Хойд эхийн дагавар хоёр охиндоо амь болохоор улам ч их уур нь хүрнэ. Арван жилээ төгсөхөд нь чи сургуульд сурах мөнгөө өөрөө олоорой гээд ор тас хаяв. Тэр өөрийнхөө ажил хийж олсон мөнгөөрөө их сургуулийн нэгдүгээр курст орсон. Зуны амралтаараа уйгагүй ажиллаж байж дараа жилийнхээ сургалтын төлбөрийг олж байв. Тэр эцгээ үзэн ядаж холдохын л түүс болж байв. Гуравдугаар курстээ ороход түүний эцэг нь өвчний улмаар өнгөрч оршуулган дээр нь дусал ч нулимас унагасангүй. Харин хойд эх болон дагавар хоёр охин нь асгартал уйлж байлаа...
Эцгийг нь өнгөрөөд 49 хоног нь өнгөрөөгүй байхад 2 өрөө байраа хойд эх нь өөрийнхөө нэр дээр болгосон байлаа. Тэгээд шууд л түүнийг хөөв. Тэр чемодантай хувцас эцгийнхээ хөргийг бариад гудамжинд гарав. Ашгүй ажил хийдэг болохоор тэр байр хөлслөх мөнгөтэй байлаа. Байранд ч орлоо, амьдрал нь ч жигдэрлээ. Нэг орой аавынхаа үл ялиг инээмсэглэсэн хөргийг хараад гэнэт асар их зүйл бодов. Түүнийг үргэлж зодож загнадаг байсан нь үнэн хэрэгтээ түүнийг биеэ дааж сургаж амьдралынх нь замыг зааж өгсөн байв. Хүү ч энэ бүхнийг ойлгоод эцэг нь ямар их өөрийг нь хайрладаг, санаа тавьдаг байсныг ойлгов. Хүү тэр шөнөжингөө уйлагнан хонов.

Шошго: Өгүүллэг